Sonte zhvillohet përballje Prishtina – Trepça

11:37 | 6 Mars 2024
KRG

Sonte do të zhvillohet një ndeshje interesantë në kuadër të javës së 23-të në Superligën e Kosovës në Basketboll.

Bëhet fjalë për ndeshjen Prishtina-Trepça, dy rivalët e moçëm në basketbollin kosovar, shkruan Arbresh.info.

“Xehetarët” janë liderë me 20 fitore e dy humbje, derisa Bardhekaltrit renditen në vendin e tretë me 14 fitore e tetë humbje.

Dy klubet së fundmi janë përballur edhe në finalen e Kupës në Gjakovë.

Skuadra e Mitrovicës kanë 15 fitore radhazi në elitë, derisa kanë fituar tri takimet në Superligë ndaj prishtinasve në këtë edicion, që kërkojnë titullin e kampionit.

Përveç kësaj ndeshje do të zhvillohet edhe një tjetër mes Pejës dhe Proton Cable Prizrenit.

Verdhezijntë janë në vendin e dytë me 16 fitore e gjashtë humbje, kurse prizrenasit pas fitores ndaj Sigal Prishtinës janë të motivuar dhe e kërkojnë fitoren e radhës, derisa renditen në vendin e shtatë me shtatë fitore e 15 humbje./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm